सिभिल अस्पतालका कर्मचारीले गरे कार्यकारी निर्देशकको अफिसमा तालाबन्दी

काठमाडौँ । सिभिल अस्पतालका चिकित्सक र कर्मचारीले कार्यकारी निर्देशकको कार्यकक्षमा ताला लगाएका छन् ।

कर्मचारी पद पूर्तिसम्बन्धी विज्ञापनप्रति असन्तुष्टि जनाउदै उनिहरुले बिरोध स्वरुप कार्यकारी निर्देशक डा विधाननीधि पौडेलको कार्यकक्षमा तालाबन्दी गरेका हुन्
।

फागुन ३० गते सूचना प्रकाशन गरेर अस्पतालले विभिन्न पदमा ३५० भन्दा बढी कर्मचारी माग गरेपछि अस्पतालमा कार्यरत चिकित्सक र कर्मचारीले निरन्तर बिरोध गरिरहेका छन् ।

अस्पतालमा क्रियाशिल कर्मचारी यूनियन, अखिल नेपाल प्रगतिशिल जनस्वास्थ्य कर्मचारी महासङ्घ र डाक्टर्स एसोसियसनले संयुक्त रुपमा अनिश्चितकालका लागि तालाबन्दी गरेका हुन् ।

अस्पतालको सेवालाई नियमित सञ्चालन गर्दै प्रशासनीक कामकाजमा अवरोध पु¥याउने उदेश्यले तालाबन्दी गरिएको निजामती कर्मचारी अस्पताल कर्मचारी यूनियनका अध्यक्ष सन्तोष धिमालले जानकारी दिए । माग पूरा नहुञ्जेल ताला खोल्ने पक्षमा आफूहरु नरहेको उनले सिभिलखबरलाई बताए ।

त्यस्तै आन्दोलनरत उनिहरुले मंगलबारदेखि २४ घण्टे रिने अनशन बस्ने तयारी समेत गरेका छन् । उनीहरुले पदपूर्तिका लागि खोलिएका विज्ञापन तत्काल खारेज गर्न, अदालतको फैसला बमोजिम चिकित्सक र कर्मचारीको स्थायीत्वको सुनिश्चित गर्न माग गरिहेका छन् ।

त्यस्तै विनियमावली संशोधन गरी कर्मचारीको तहगत बढुवा गर्न, रिक्त दरबन्दीमा ओ एण्ड एम मात्र गरेर विज्ञापन गर्न र दैनिक ज्यालादारी र सेसनमा कर्मचारी नियुक्ति बन्द गर्नसमेत व्यवस्थापन पक्षसँग माग गरिएको अध्यक्ष धिमालले बताए ।

यो पनि पढ्नुहोस्

सिभिल अस्पतालका कर्मचारीले सोमबार प्रशासनमा ताला लगाउने, मंगलबारदेखि अनशन

सिभिल अस्पताल पदपूर्ति विवाद : विभागीय जिम्मेवारीबाट सामुहिक राजीनामा गर्ने तयारीमा कर्मचारी

सिभिलमा व्यवस्थापक र कर्मचारीबीच विवाद चर्कियो, डाक्टर र कर्मचारीले मागे कार्यकारी निर्देशकको राजीनामा

पदपूर्ति प्रक्रियाविरुद्ध उत्रिए सिभिल अस्पतालका डाक्टर र कर्मचारी

सिभिल अस्पतालमा ३३० जनालाई जागिरको अवसर (सूचानासहित)