बालेनले रोकेको शैक्षिक मेला उच्च अदालतको आदेशपछि फेरि सञ्चालन हुने

काठमाडौँ । उच्च अदालतको आदेशपछि काठमाडौं महानगरपालिकाका मेयर बालेन शाहले रोकेको ८ औं कान्तिपुर हिसान एडु फेयर (शैक्षिक मेला) शुक्रबारबाट पुनः सञ्चालन हुने भएको छ ।

बिहीवार काठमाडौंमा पत्रकार सम्मेलन गरी आयोजकले यसबारेमा जानकारी गराएको हो ।

उच्च शिक्षालय तथा माध्यमिक विद्यालय संघ, नेपाल (हिसान) र कान्तिपुर पब्लिकेसन्स लिमिटेडको संयुक्त आयोजनामा असार ८, ९ र १० गते मेला पुनः सञ्चालन हुने जानकारी गराएको हो ।

मेलामा विद्यार्थी, अभिभावक र सरोकारवालाहरुले नेपालका प्रतिष्ठित शिक्षालय र गुणस्तरीय शिक्षाबारे परामर्श लिनसक्ने आयोजकले बताएको छ ।

गत जेठ ३२ गते सञ्चालन भएको मेला काठमाडौं महानगरपालिकाले अनुमति नलिइकन सञ्चालन गरेको भन्दै बन्द गराएको थियो ।

यो पनि पढ्नुहोस:

बालेनको निर्णय विरुद्ध उच्च अदालतको आदेशः ‘शैक्षिक मेला नरोक्नु’

आजदेखि सुरु भएको शैक्षिक मेलामा काठमाडौं महानगरको हस्ताक्षेप, यस्तो छ कारण