नौ दिनदेखि अस्पतालमै छन् राष्ट्रपति पौडेल, के छ समस्या ?

काठमाडौं । राष्ट्रपति रामचन्द्र पौडेल ९ दिनदेखि अस्पतालमै उपचारत छन् ।

गत असार २ गते उनलाई त्रिवि चिकित्सा शास्त्र अध्ययन संस्थानस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा लगिएको थियो ।

त्यसयता अस्पतालमै भर्ना गरेर उनको उपचार भइरहेको बताइएको छ ।

असार ५ मा पौडेलको मुटुको शल्यक्रिया गरिएको थियो। सेन्टरका चिकित्सकहरुले पौडेलको मुटुमा शल्यक्रिया गरेर पेसमेकर राखिएदिएका थिए।

त्यसअघि उनी असार २ मै अस्पताल भर्ना भएका थिए। राष्ट्रपति पौडेल शीतल निवासमै बेहोस भएपछि त्रिवि शिक्षण अस्पताल पुर्‍याइएको थियो।

सेन्टरका कार्यकारी निर्देशक प्रा डा रत्नमणि गजुरेलले आइतबार विज्ञप्ति निकालेर असार २ गतेदेखि उपचाररत् पौडेलको स्वास्थ्यअवस्था सामान्य रहेको बताएका छन्।

उनले पौडेलको स्वास्थ्य सामान्य रहे पनि हाल उनी चिकित्सकहरुको निगरानीमा रहेको पनि जानकारी दिएका छन्।

सम्बन्धित थप समाचार 

राष्ट्रपति पौडेलको स्वास्थ्य अवस्था सामान्य

राष्ट्रपतिको अवस्था स्थिर, सीसीयूमा राखेर उपचार हुँदै

राष्ट्रपति पौडेल अस्पतालबाट डिस्चार्ज

मुटुमा समस्या भएपछि राष्ट्रपति पौडेल अस्पताल भर्ना