२४ जिल्लामा आकस्मिक बाढीको जोखिम, हेर्नुस् कुन-कुन जिल्ला ?

हरेक दिनझैँ बाढी पूर्वानुमान महाशाखाले आज मंगलबार पनि कहाँ-कहाँ बाढीको जोखिम छ भन्ने विषयमा जानकारी गराएको छ।

बाढी महाशाखाका अनुसार ललितपुरसहित २४ जिल्ला र त्यसआसपास भएर बग्ने खाेला तथा नदीमा बाढी आउने सम्भावना छ।

सूचनामा भनिएको छ, आज इलाम, झापा, तेह्रथुम, पाँचथर, धनकुटा, सप्तरी, सुनसरी, मोरङ, कास्की, स्याङ्जा, तनहुँ, ललितपुर, रोल्पा, सल्यान, रुकुम-पश्चिम, जाजरकोट, दैलेख, सुर्खेत, डोटी, अछाम, डडेल्धुरा, बैतडी, कैलाली, कञ्चनपुर र आसपासका जिल्ला भई वहने ससाना नदीहरूको बहाब उल्लेख्य बढ्ने र आकस्मिक बाढीको मध्यम जोखिमको सम्भावना छ।