कुवेतले थप दुई लाख नेपालीलाई रोजगारी दिने

उपप्रधानमन्त्री एवं परराष्ट्रमन्त्री नारायणकाजी श्रेष्ठले कुवेतमा थप दुई लाख नेपाली कामदारले श्रमको अवसर पाउन लागेको बताएका छन् । कुवेतका विदेशमन्त्रीले इरानको तेहरानमा भएको भेटमा उपप्रधानमन्त्री श्रेष्ठलाई थप दुई लाख नेपाली कामदार लिन लागेको जानकारी दिएका हुन् ।

एसिया सहयोग संवाद (एसिडी)को मन्त्रीस्तरीय बैठकमा सहभागी भएर फर्किने क्रममा श्रेष्ठले मंगलबार पत्रकारहरूसँग भने, ‘कुवेतमा हाल एक लाख नेपाली छन् । यो वर्ष कुवेतले काठमाडौंमा दूतावास खोल्ने र दुई लाख थप नेपाली लैजाने जानकारी दिएको छ ।’