देशभरका स्थानीय तहलाई पूर्वमेयरकाे खुला पत्र: ‘यसरी जुटाऔं भूकम्पपीडितलाई सहयाेग’

काठमाडौँ । डेढ सय भन्दा बढीको ज्यान लिने गरी गएको जाजरकोट भूकम्पका पीडितहरु अहिलेसम्म पनि खुला आकाशमूनी रात गुजार्न बाध्य छन् । शक्रबार मध्यरातमा गएको ६.४ को भूकम्पले ठूलो मानविय र धनमालको क्षति पुर्यायो । जसले जाजरकोट, रुकुम पश्चिम सहित पश्चिम नेपालकै जनजिवन अस्त ब्यस्त बनाएको छ ।

अहिलेसम्म उद्धारकै काम चलिरहदा भूकम्पपीडितहरुको भने विचल्ली भएको छ । उनिहरुसम्म राहतका सामाग्री पुग्न सकेका छैनन् । अबको समय तिनै तहका सरकारले पीडितको ब्यवस्थापन र पुननिर्माणमा विशेष ध्यान दिनु पर्ने आवस्यकता देखिन्छ ।

यसै सन्दर्भमा २०७२ साल वैशाख १२ को विनाशकारी भूकम्पलाई नजिकबाट भोगेका, नियालेका दिपकबाबु कडेंलले जाजरकोट भूकम्पका पीडित र भत्केका संरचनाको पुननिर्माण साथै ब्यवस्थापनका लागि देशभरका स्थानीय तहलाई खुल्ला पत्र मार्फत आग्रह गरेका छन् ।

२०७२ सालको केन्द्रबिन्दु रहेको गोरखा र बारपाक नजिकै पालुङ्गटार नगरपालिका घर भएका कडे‌ंल इन्जिनियर समेत हुन् । उनि यसअघि पालुङ्गटारका मेयर समेत थिए । स्थानीय तहको एकताले धेरै काम हुने उनको तर्क छ । भूकम्प पीडितको ब्यवस्थापन र पुननिर्माणमा आफु मेयर रहँदा गरेको कामको अनुभव, भोगाई र सिकाईलाई उनले देशभरका स्थानीय तहका प्रमुख र उपप्रमुखलाई खुला पत्र लेख्दै यस्तो अनुरोध गरेका छन् ।