मानव सेवा आश्रमको आयोजनामा भएको नेपथ्यको कन्सर्टमा पत्रकार राजेन्द्र आचार्यमाथि कुटपिट

चितवन । मानव सेवा आश्रमको आयोजनामा आइतबार साँझ क्याम्पा चौरमा भएको नेपथ्य कन्सर्टमा पत्रकार राजेन्द्र आचार्यमाथि कुटपिट भएको छ । रिपोर्टिङका लागि कार्यक्रम स्थलमा पुगेका आचार्यमाथि कार्यक्रम स्थलमा बसेका बाउन्सरले आक्रमण गरेका हुन् ।

पत्रकार परिचय पत्र देखाउँदा देखाउँदै पनि आफुमाथि आक्रमण भएको आचार्यले बताएका छन् । यस विषयमा नेपाल पत्रकार महासंघ चितवनले विज्ञप्ती निकाल्दै विरोध जनाएको छ।

पत्रकार आचार्य पत्रकार महासंघ चितवन शाखाका कोषाध्यक्ष हुन् । नेपाल टेलिभिजनको चितवन संवाददाताका रुपमा काम गरिरहेका आचार्य सौराहा अनलाईनका सञ्चालक समेत हुन् ।

पत्रकार बसन्त पराजुलीले पत्रकार माथीको आक्रमण निन्दनिय भएको भन्दै दोशी उपर कारवाही गर्न माग गरेका छन् । चितवनमा रहेर पत्रकारिता गरिरहेका पत्रकारहरुले मानव सेवाको लागि आयोजना गरिएको उक्त कार्यक्रममा पत्रकारमाथि नै अमानविय तरिकाले आक्रमण गरिनु दुःखद र गम्भिर रहेको बताएका छन् ।