नेपालमा कोरोनाबाट थप एकको मृत्यु

कैलाली । नेपालमा कोरोना संक्रमित थप एक जनाको मृत्यु भएको छ ।

कैलाली जिल्लाको गोदावरी नगरपालिकाका वडा नम्बर ११ का ४५ वर्षीय पुरुषको बुधबार बिहान मृत्यु भएको हो ।

मंगलबार साँझसम्म धनगढीको निसर्ग अस्पतालको आइसियूमा उपचार गराइरहेका व्यक्तिमा कोरोना संक्रमण पुष्टि भएपछि सेती प्रादेशिक अस्पतालमा सारिएको थियो ।

धनगढीस्थित सेती प्रादेशिक अस्पतालमा उपचारकै क्रममा उनको मृत्यु भएको अस्पतालका सूचना अधिकारी दिलिप कुमार श्रेष्ठले जानकारी दिए ।

शव व्यवस्थापनका लागि नेपाली सेनालाई जानकारी गराइसकेको अधिकारी श्रेष्ठले बताए ।