नेपालमा कोरोनाबाट थप एकको मृत्यू

नेपालमा कोरोनाबाट थप एक पुरुषको मृत्यु भएको छ ।

प्रादेशिक अस्पताल जनकपुरको कोभिड-१९ विशेष अस्पतालको आइसोलेशन कक्षमा उपचार भइरहेका धनुषाको धनौजी गाउँपालिका वडा नम्बर ३ बस्ने ६५ वर्षीय पुरुषको सोमबार मृत्यु भएकोअस्पतालका निमित मेडिकल सुपरिटेन्डेन्ट डा. जामुनप्रसाद सिंहले जानकारी दिए ।

डा. सिंहका अनुसार उनी साउन ३१ गते अस्पताल भर्ना भएको बताए ।

दम रोगका बिरामी रहेका उनलाई श्वासप्रश्वास समस्या तथा रुघाखोकी लागेपछि साउन २६ गते पीसीआर परीक्षण गर्दा उनको रिपोर्ट पोजेटिभ आएको थियो ।

त्यसपछि स्वास्थ्य अवस्था सिकिस्त हुँदै गएपछि अस्पतालको आइसोलेशन कक्षमा भर्ना गरिएको थियो ।