गोरखा नगरपालिकाले लगायो अत्यावश्क बाहेकका सेवामा रोक

मेलिना बराम
गोरखा । कोरोना संक्रमणको जोखिम समुदायस्तरमै बढ्न थाले पछि गोरखा नगरपालिकाले अत्यावश्क बाहेकका सेवामा रोक लगाएको सूचना जारी गरेको छ ।

पछिल्लो समय गोरखाको लक्ष्मि बजारमा पनि संक्रमित भेटिए पछि बजारमा लकडाउन खुले लगतै खुलेका सैलुन, ब्यूटिपार्लर, जिमखाना, मनेरञ्जनस्थल लगायत मानिसहरुको भिडभाड हुने क्षेत्रहरु बन्द गरिएको हो ।

यसैगरि शैक्षिक संस्थाहरु, विधालय, कलेज, तालिम केन्द्ध, गोष्टि, सेमिनार, बैठक,धार्मिक तथा सामाजिक स्थलमा हुने कार्यहरु पनि पूर्ण रुपमा बन्द गएिको हो । सवारी साधन आवत जावतले पनि संक्रमणको जोखिम बढ्ने हुनाले हाल सम्म दिइदैँ आएको सवारी पास पनि नदिने गोरखा जिल्ला प्रशासन कार्यलयले निर्देशन गरेको छ ।

साथै विश्वव्यापी रुपमा कोरोना संक्रमणको नियन्त्रण, रोकथाम, व्यवस्थापनका कार्यहरु गर्दा पनि भिडभाड नगरि सामाजिक दुरी कायम गरि गर्न भनिएको छ ।

वडा कार्यलय तथा नगरपालिका कार्यलयबाट प्रवाह हुदैँ आएका अत्यवश्यक काम र विपद व्यवस्थापनका कार्य वाहेक अन्य कार्यहरु अर्को सूचना जारि नहुदाँसम्मको लागी सम्पूर्ण कार्यहरु बन्द गर्न निर्देशन दिएको छ ।

हेर्नुस् नगरपालिकाले जारी गरेको सूचना