प्रहरीले गरेँ साढे २४ लाख भारु बरामद

आज भारतबाट अबैध रुपमा भित्र्याइएको साढे २४ लाख भारतीय रकम सशस्त्र प्रहरी बल कृष्णनगर कपिलवस्तुले बरामद गरेको छ ।

भारतबाट आएको व्यक्तिले औषधि सहित भारतीय रकम लुकाएको झोला ड्युटीमा रहेको सशस्त्र प्रहरी बलको टोलीलाई देखेर झोला फाली आफु फरार भएको हो ।

त्यसपछि स्थानीय प्रतिनिधिहरुको साक्षी तथा रोहबरमा झोला खोली हेर्दा भारतीय रुपैयाँ रु.५०० को ४९०० थान गरी जम्मा २४ लाख ५० हजार र ४२ पत्ता सुगरको औषधि समेत फेला परेको सशस्त्र प्रहरी नायब उपरीक्षक सुशील कुमार शाहीले जानकारी दिए ।

बरामद रकम आवश्यक कारवाहीका लागी राजश्व अनुसन्धान कार्यालयमा बुझाइने जनाइएको छ ।