मेडिसिटी अस्पतालमा कोरोनाबाट जनकपुरका पूर्वमेयरको मृत्यु

जनकपुर — मंगलबार राति काठमाडौंको मेडिसिटी अस्पतालमा जनकपुरका पूर्वमेयर कृष्ण गिरीको कोराना संक्रमणको कारण मृत्यु भएको छ ।

१५ दिनअघि कोरोना भाइरस संक्रमण पुष्टि भएपछि थप उपचारका लागि काठमाडौंको मेडिसिटी अस्पतालमा भर्ना भएका गिरीको मंगलबार राति १२ बजेर १० मिनेटमा मृत्यु भएको उनको पारिवारिक स्रोतले जानकारी दिएको छ ।

‘कोरोना भाइरस संक्रमणसँगै उहाँमा अन्य जटिल समस्या पनि थियो,’ पूर्वमेयर गिरीका भतिज अनुराग गिरीले भने, ‘उपचारकै क्रममा मंगलबार राति मृत्यु भएको हो ।’