सोमबार थपिए नेपालमा ३ सय ३८ जना संक्रमित

आज मात्रै नेपालमा ३ सय ३८ जना संक्रमित थपिएको छ।

स्वास्थ्य तथा जनसंख्या मन्त्रालयले नियमित पत्रकार सम्मेलनमा उक्त संख्याका मानिसहरुमा कोरोना संक्रमण पुष्टि भएको जनाएको हो।

मन्त्रालयका प्रवक्ता प्राडा जागेश्वर गौतमले विभिन्न प्रयोगशालामा उक्त संक्रमित भेटिएको जानकारी दिए।

नेपालमा हालसम्म ७०.७ प्रतिशत कोरोना संक्रमित निको भएको उनले बताए।

उनका अनुसार हालसम्म ४ लाख ५२ हजार २ सय ३६ जनाको पीसीआर परीक्षण गरिसकिएको छ। आज मात्रै ८ हजार ४ सय ३२ जनाको पीसीआर परीक्षण गरिएको छ।

त्यस्तै पछिल्लो २४ घण्टामा १ सय ४० जना डिस्चार्ज भएका छन्। योसँगै १६ हजार ४ सय ९३ जना आजसम्म डिस्चार्ज भएका छन्।

सोमबारसम्म ६ हजार ७ सय ३८ जना सक्रिय संक्रमित रहेका छन्।