अभियन्ता ईः ले तोडे अनशन

कोरोना संक्रमण नियन्त्रण गर्न सरकारले गरेको खर्च विवरण निष्पक्ष नभएको भन्दै सत्याग्रहमा बसेका ‘इनफ इज इनफ’ अभियन्ता ईः ले अनशन तोडेका छन् ।

८ बुँदे सम्झौता भएपछि आज बिहान उनले २३औँ दिनमा मण्डिखाटारस्थित ह्याम्स अस्पतालमा अनशन तोडेका हुन् ।

स्वास्थ्य बिग्रिएपछि अस्पताल भर्ना भएका ईः ले अस्पतालबाटै अनशनलाई निरन्तरता दिएका थिए ।

कोभिड(१९ को प्रभावकारी व्यवस्थापनको माग गर्दै ईः दोस्रो पटक अनशन बसेका थिए ।