राखेपको सदस्यसचिवमा पुन: रमेश सिलवाल

राष्ट्रिय खेलकुद परिषद् (राखेप)को सदस्यसचिवमा रमेशकुमार सिलवाल पुन: नियुक्त भएका छन्।

मन्त्रीपरिषद्को सोमबार बसेको बैठकले सिलवाललाई सदस्यसचिवमा पुन: दोहोर्‍याएको हो। सिलवालले अब चार वर्ष राखेपको जिम्मेवारी सम्हाल्नेछन्।

यसअघि गत वर्ष असारमा राखेपको सदस्यसचिवमा नियुक्त भएका सिलवाल नयाँ खेलकुद ऐन २०७७ आएपछि यसै असारमा पदमुक्त भएका थिए।

सिलवालसँगै राखेपको उपाध्यक्षमा शिव कोइराला नियुक्त भएका छन्। उनी नेकपाको खेलकुद विभागमा आवद्ध छन। कोइराला १३ औं सागमा प्रचारप्रसार समितिका संयोजक समेत थिए।