त्रिविले न्यून विद्यार्थी संख्या भएका क्याम्पसको शैक्षिक कार्यक्रम गाभ्ने तयारी

त्रिभुवन विश्वविद्यालयले न्यून विद्यार्थी संख्या भएका क्याम्पसका शैक्षिक कार्यक्रम गाभ्ने जनाएको छ।

त्रिवि सभा बैठकमा उपकुलपति दीपक अर्यालले काठमाडौँ भित्र र बाहिर न्यून विद्यार्थी संख्या रहेका आङ्गिक क्याम्पसका शैक्षिक कार्यक्रम गाभिने प्रकृया अघि बढाउने जनाएका हुन्।

‘त्रिविका काठमाडौं भित्र र बाहिर रहेका आङ्गिक क्याम्पसहरूमा विगत दुई शैक्षिक सत्रदेखि न्यून विद्यार्थी संख्या भएका क्याम्पसका कार्यक्रमहरू आगामी शैक्षिक सत्रदेखि गाभिने प्रक्रिया अगाडी बढाइने छ,’ उपकुलपति अर्यालले भने।