अमिताभ र अभिषेक बच्चनलाई कोरोना पुष्टि

बलिउडका चर्चित कलाकार अमिताभ बच्चन र उनका छोरा अभिषेकलाई कोरोना संक्रमण भएको छ।

कोरोना पोजिटिभ रिपोर्ट आएपछि बाउछोरालाई नै शनिबार अबेर राति मुम्बईस्थित नानावती अस्पताल भर्ना गरिएको छ।

अमिताभकी पत्नी जया र अभिषेककी पत्नी एवं अभिनेत्री ऐश्वर्या राय बच्चनको पनि कोरोना परीक्षण गरिएको छ। उनीहरूकाे रिपोर्ट भने आज आइतबार आउने महाराष्ट्रका स्वास्थ्यमन्त्री राजेश टोपेले बताएका छन्।