मोरक्को भूकम्पः मृत्यु हुनेको संख्या २ हजार नाघ्यो

काठमाडौं । मोरक्कोमा शुक्रबार राति गएको भूकम्पमा परी मृत्यु हुनेको संख्या दुई हजार नाघेको छ । त्यहाँको गृह मन्त्रालयका अनुसार गम्भीर घाइतेहरुको संख्या १४ सयभन्दा बढी छ।

भूकम्पले निम्ताएको विनासपछि सरकारले तीन दिन राष्ट्रिय शोक घोषणा गरेको छ । साथै भूकम्प पीडितहरुलाई आवास, खाना र अन्य सहयोगका लागि आह्वान गरेको छ । भूकम्पका कारण घर छाडेकाहरु धेरै मानिसहरुले दोस्रो दिनको रात पनि खुल्ला आकास मुनि बिताएका छन् ।

शुक्रबार राति स्थानिय समय अनुसार ११ः११ बजे गएको ६.८ म्याग्निच्युडको भुकम्पको ग्रामीण क्षेत्रबाट पुर्ण विवरण आइनसकेकोले क्षतिको संख्या बढ्न सक्ने जनाइएको छ ।

खोज तथा उद्धार कार्य जारी छ । शक्तिशाली भूकम्पपछि संयुक्त राष्ट्रसंघ लगायत विभिन्न राष्ट्रहरुले सहयोग गर्ने प्रतिबद्धता व्यक्त गरेका छन् ।