काेराेनाबाट थप एक जनाकाे मृत्यु, मृतककाे संख्या ४ र संक्रमित ६७५ पुगे

पर्साको वीरगन्जस्थित नेसनल मेडिकल कलेजमा जेठ ४ मा मृत्यु भएका १ वृद्धमा कोरोना संक्रमण पुष्टि भएको छ । त्यससँगै नेपालमा कोरोनाभाइरसको संक्रमणबाट मृत्यु हुनेको संख्या चार पुगेको छ ।

नारायणी अस्पतालका सुपरिटेन्डेन्ट मदनकुमार उपाध्यायले ती वृद्धको स्वाब जाँच्दा कोरोना पोजेटिभ आएको जानकारी सोमबार दिएका छन् ।

मृतक वृद्धको एक हप्ताअघि नै परिवारले अन्तिम संस्कार गरिसकेका छन् ।

त्यस्तै आज (सोमबार) बिहान थप ७२ जनामा कोरोना संक्रमण पुष्टि भएको छ।

योसँगै देशभर कोरोना संक्रमितको संख्या ६७५ पुगेको स्वास्थ्य तथा जनसंख्या मन्त्रालयले जानकारी दिएको छ।