मेडिकल काउन्सिलमा व्यावसायिक आचारसंहिता उल्घंनसम्बन्धी ६६ वटा उजुरी

काठमाडौँ । नेपाल मेडिकल काउन्सिलमा व्यावसायिक आचारसंहिता सम्बन्धी ६६ वटा उजुरी परेका छन् । काउन्सिलका रजिष्ट्रार डा.कृष्ण प्रसाद अधिकारीका अनुसार सन् २०२२ मा व्यावसायिक आचारसंहिता सम्बन्धी ६६ वटा उजुरी परेका हुन् ।

जसमध्ये २० वटा उजुरीको विषयमा काउन्सिलले निर्णय गरेको छ । निर्णय भएका उजुरीमध्ये ५ वटामा कारबाही गर्नु नपर्ने, ३ वटामा चिकित्सकलाई सचेत गराइएको थियो ।

यस्तै, ४ वटामा अस्पताललाई निर्देशन दिइएको छ । ६ वटामा थप कारबाहीको दायरामा ल्याउनु पर्ने देखिएको उनले बताए । २ वटा उजुरीमा केन्द्रीय अनुसन्धान ब्युरो मार्फत कारबाही गर्नुपर्ने देखिएको रजिष्ट्रार डा अधिकारीले बताए ।