ग्यास सिलिन्डर पड्किँदा साँसद चन्द्र भण्डारी र आमा जलेर घाइते, कीर्तिपुर अस्पतालमा उपचार हुँदै

नेपाली कांग्रेसका नेता डा. चन्द्र भण्डारीको काठमाडौं बुद्धनगरस्थित घरमा खाना पकाउने क्रममा ग्यास सिलिन्डर विस्फोट भएको छ।

बुधबार राति खाना पकाइरहेका बेला गुल्मी निर्वाचन क्षेत्र नम्बर १ का संघीय सांसद भण्डारीको घरमा सिलिन्डर विस्फोट हुँदा उनी र आमा जलेर घाइते भएका छन्।

भण्डारी र उनकी आमा दुवैजनालाई तत्कालै उपचारका लागि एम्बुलेन्सबाट कीर्तिपुरस्थित बर्न अस्पतालमा लगिएको उनको सचिवालयले जनाएको छ।

अस्पतालका डाक्टरहरुका अनुसार  डा. भण्डारीको शरीरको करिब २५ प्रतिशत र आमाको शरीरको करिब ७० भागमा जलेर असर गरेको छ।