जनयुद्ध दिवसमा सार्वजनिक बिदा दिने सरकारको निर्णय, सामाजिक सञ्जालमा विरोधै विराेध

काठमाडौँ। आइतबार दिउँसो प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद्को बैठकले फागुन १ गते जनयुद्ध दिवसका रूपमा सार्वजनिक बिदा दिने निर्णय गरेको छ।

प्रधानमन्त्री पुष्पकमल दाहाल ‘प्रचण्ड’को अध्यक्षतामा बसेको मन्त्रिपरिषद् बैठकले नेपालको राजनीतिक परिवर्तनमा जनयुद्धले पुर्‍याएको योगदानको कदर गर्दै सार्वजनिक बिदा दिने घोषणा गरेको हो।

वि.सं. २०५२ फागुन १ गतेबाट सुरू भएको जनयुद्ध २०६३ मङ्सिर ५ गते विस्तृत शान्ति सम्झौतामा रूपान्तरण भएको थियो।

सरकारले सार्वजनिक बिदा दिने निर्णय गरेसँगै चौतर्फी विरोध भइरहेको छ । सामाजिक सञ्जालमा नेतादेखि अन्य पेशाकर्मीले समेत असन्तुष्टि पोखेका छन् ।