चितवनमा बुधबार १२ बजेपछि पासपोर्टको लागि अनलाइन आवेदन दिन सकिने

जिल्ला प्रशासन कार्यालय चितवनले भोलि दिउँसो १२ बजेपछि पासपोर्टको लागि अनलाइन आवेदन दिन सकिने व्यवस्था गरेको छ ।

प्रशासन कार्यालयले सूचना जारी गर्दै भोलि दिउँसो १२ बजेबाट दैनिक १२० जनालाई पासपोर्ट दिनेगरी अनलाइन आवेदन खुला गरिन लागेको जनाएको हो ।

नेपाल सरकारको राहदानी विभागको सूचना अनुसार राहदानी सेवालाई सरल, सहज र झन्झटरहित बनाउन कार्यालयको क्षमता अनुसार एक महिनामा करिब तीन हजारको संख्यामा अनलाइन आवेदनको व्यवस्था गर्न लागिएको प्रशासन कार्यालयले जनाएको छ ।