स्वाँरा सघन गाउँ विकास केन्दको अध्यक्षमा कृष्ण कुमारी गुरुङ

गोरखा। स्वाँरा सघन गाउँ विकास केन्द्र गोरखाको ३५ औँ वार्षिक साधारण सभा तथा सातौँ अधिवेशन सम्पन्न भएको छ ।

शनिबार सम्पन्न अधिवेशनबाट गाउँ विकास केन्द्रको अध्यक्षमा कृष्ण कुमारी गुरुङ चयन भएकी छिन् । अधिवेशनले गुरुङको अध्यक्षतामा नौ सदस्यीय कार्यसमिति चयन गरेको छ ।

समितिको उपाध्यक्षमा शंकर नेपाली, सचिवमा हरिमान गुरुङ र कोषाध्यक्षमा देवी थापा चयन भएका छन् ।सदस्यहरुमा ज्ञान माया गुरुङ, तुलसी बाबु श्रेष्ठ, याम नारायण श्रेष्ठ, राज गुरुङ चयन भएका छन् ।

एक जना सदस्य पछि थप्ने निर्णय भएको छ । केन्द्रका अध्यक्ष गुरुङको अध्यक्षतामा भएको अधिवेशनमा प्रमिला अधिकारीले गत बर्षको आर्थिक प्रतिवेदन र केन्द्रका कार्यकारी निर्देशक सिताराम श्रेष्ठले वार्षिक प्रगति प्रतिवेदन प्रस्तुत गरेका थिए ।

सोहि अवसरमा केन्द्रका कार्यक्रम व्यवस्थापक द्रोणचार्य तिमल्सीना, लेखा तथा प्रशासन अधिकृत प्रमिला अधिकारी र कार्यसमितिका सदस्य हरिमान गुरुङलाइ सम्मान गरिएको थियो ।