सुनको मूल्य तोलाको १ लाख नाघ्यो

नेपाली बजारमा आज शुक्रबार सुनचाँदीको मूल्य बढेको छ।

नेपाल सुनचाँदी व्यवसायी महासंघका अनुसार शुक्रबार सुन तोलामा ६ सय रूपैयाँले बढेको छ।

आज छापावाल सुन प्रतितोला एक लाख ३ सय रुपैयाँमा कारोबार भइरहेको छ।

यसअघि बिहीबार छापावाल सुन प्रतितोला ९९ हजार ७ सय रूपैयाँमा कारोबार भएको थियो।

यस्तै, तेजावी सुन प्रतितोलामा ९९ हजार ८ सय रूपैयाँमा कारोबार भइरहेको छ।

यसैगरी, शुक्रबार चाँदीको मूल्य पनि ३० रूपैयाँले बढेर १ हजार ३९० रूपैयाँमा कारोबार भइरहेको महासंघले जनाएको छ।