डिस्चार्ज भएका दुई जनामा फेरि देखियो कोरोना संक्रमण

निको भएर घर गएका दुई जनामा फेरि काेराेना संक्रमण देखिएकाे छ। 

स्वास्थ्य मन्त्रालय स्रोतका अनुसार रौतहटका एक युवक र एक भारतीय जमातीमा पुनः कोरोना संक्रमण देखापरेकाे हाे। 

यसअघि क्रमशः चैत ३० र वैशाख १ गते उनीहरूलाई कोरोना संक्रमण रहेको पुष्टि भएको थियो। त्यसपछि वीरगन्जको नारायणी उपक्षेत्रीय अस्पतालमा उपचार गरी निको भयो भनेर वैशाख १४ गते घर पठाइएको थियो।

तर पुनः स्वास्थ्य समस्या देखिएपछि दुवैलाई वैशाख २१ गते फेरि अस्पताल ल्याइएको हो।