मनकामनाका पुजारीले बुझाए प्रहरीलाई बन्दुक

गोरखा । मनकामना मन्दिरका पुजारी इन्सान थापाले दुई थान बन्दूक प्रहरीलाई बुझाएका छन् ।

लाइसेन्स लिएर तिन वटा बन्दुक राखेका पुजारी थापाले जिल्ला प्रहरी कार्यालय गोरखामा बन्दुक बुझाएका हुन ।

गत बैशाख ६ गते बेलुका शिकार खेलेको आरोपमा स्थानीयले एक बन्दुक सहित पुजारीलाई प्रहरीको जिम्मा लगाएपछि उनि विवादमा तानिएका थिए ।

सो लगत्तै प्रहरीले उनको साथमा भेटिएको टुटु राइफल जफत गरेको थियो ।

त्यसको झण्डै एक सातापछि पुजारी थापाले आफुसंग रहेका एकथान टुवेलवोरको राइफल र एकथान भरुवा बन्दूक प्रहरी कार्यालयमा बुझाएको एसपी ओम अधिकारीले जानकारी दिए ।

प्रहरीले उनलाई हतियार बुझाउन सम्झाइबुझाइ गरेपछि पुजारीले जिल्ला प्रहरी कार्यालयमा हतियार बुझाएको एसपी अधिकारीले बताए ।

हस्तान्तरण गरिएको दुई हतियारको लाइसेन्स समेत रद्ध गरिएको उनको भनाई छ ।