काम अलपत्र पार्ने निर्माण व्यवसायीलाई कारबाही गर्न गोेरखा प्रशासनको निर्देशन

गोरखा । विकास आयोजना कार्यानव्यनमा ढिलासुस्ती र लापरबाही गर्ने निर्माण ब्यबसाहीलाई जिल्ला प्रशासन कार्यालय गोरखाले निर्देशन दिएको छ ।

सबै सरकारी कार्यालयलाई विहिबार पत्र पठाउँदै निर्माणको काम अलपत्र पार्ने निर्माण व्यवसायीलाई कारवाही गर्न जिल्ला प्रशासन कार्यालय गोरखाले निर्देशन दिएको हो ।

कार्यालयको निर्देशन अनुसार काम नगर्ने निर्माण व्यवसायीलाई नियम अनुसार आवश्यक कारबाहीका लागि प्रशासन कार्यालयमा जानकारी गराउन समेत भनिएको छ ।

विकास आयोजनामा तोकिएको समयमा काम सम्पन्न गर्न निर्देशन र समन्वय गरिदिन समेत अनुरोध गरिएको प्रशासकीय अधिकृत चुणानिधि तिवारीले बताए ।