निमावि लाइसेन्स परीक्षाको नतिजा प्रकाशन

शिक्षक सेवा आयोगले निम्‍न माध्यामिक तहको अध्यापन अनुमति पत्र (लाइसेन्स) परीक्षाको नतिजा प्रकाशन गरेको छ। आयोगले प्रकाशन गरेको नतिजामा  २०.५५ प्रतिशत मात्र उत्तीर्ण भएका हुन्।

आयोगले सार्वजनिक गरेको नतिजाअनुसार १ लाख ५१ हजार ५ सय ६९ ले परीक्षा दिएकोमा ३३ हजार १ सय ५८ जनाले अध्यापन अनुमति पत्रको परीक्षामा उत्तीर्ण भएका छन्।

आयोगले साउन २८ गते सञ्‍चालन गरेको लाइसेन्स परीक्षाको नतिजामा प्रदेश १ बाट ३१ हजार ६ सय ८८ जनाले परीक्षा दिएकोमा ६ हजार ४ सय १९ जना उत्तीर्ण भएका छन्।

मधेश प्रदेशमा २५ हजार ८१ जनाले परीक्षा दिएकोमा २ हजार ६ सय ५७ जना, बागमती प्रदेशमा २६ हजार २ सय ८२ जनाले परीक्षा दिएकोमा ६ हजार ५ सय १९ जना उत्तीर्ण भएका छन्।

यस्तै गण्डकी प्रदेशमा १७ हजार ७६ सहभागी मध्य ३ हजार ७ सय ५१ जना, लुम्बुनी प्रदेशमा ३५ हजार १ सय ७९ सहभागी मध्य ७ हजार ३ सय ५ जना, कर्णाली प्रदेशमा २४ हजार ६ सय १३ सहभागी मध्य ३ हजार २ सय ४४ जना र सूदुरपश्‍चिम प्रदेशमा २१ हजार ६ सय ५६ सहभागी मध्य ३ हजार २ सय ६३ जना उत्तीर्ण भएका छन्।