बेलुकीपख चट्याङसहित असिना-पानी पर्ने सम्भावना छ, सजग रहौंः मौसमविद्

आज (आइतबार) पनि काठमाडौं उपत्यकासहित देशका विभिन्न स्थानमा हावाहुरी/चट्याङसहित असिना-पानी पर्ने सम्भावना रहेकाले होसियार रहन मौसमविद्ले आग्रह गरेका छन्।

मौसम पूर्वानुमान महाशाखाका मौसमविद्का अनुसार आज देशका पहाडी भेगका केही स्थान तथा तराईका पनि एक/दुई ठाउँमा हावाहुरी/चट्याङसहित असिना पानी पर्ने सम्भावना छ।

मौसमविद् वरुण पौडेलका अनुसार आज बेलुकीपख विशेषगरी पोखरा, काठमाडौं, धनकुटालगायत ठाउँका पहाडी भेगमा हावाहुरी आउने, चट्याङसहित असिना पानी पर्ने सम्भावना छ।