गोरखामा कोरोना संक्रमण बढेको बढ्यै, थपिए ५४ नयाँ संक्रमित

गोरखा। गोरखामा कोरोना संक्रमितको संख्या फेरि बढ्न थालेको छ। सोमबार एकै दिन ५४ जनामा कोरोना संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार जिल्ला भित्रका २ सय ९१ जनाको एन्टिजेन परिक्षण गर्दा ५४ जनामा कोरोना पोजेटिभ देखिएको हो ।

सङ्क्रमित मध्य सबै भन्दा धेरै भिमसेन थापा गाउँपालिकाका १३ जना महिला र २५ जना पुरुषमा कोरोना संक्रमण पुष्टि भएको छ ।

त्यस्तै, पालुङटार नगरपालिकाका दुई महिला, एक पुरुष, गोरखा अस्पतालमा दुई जना महिलामा कोरोना संक्रमण पुष्टि भएको स्वास्थ्य कार्यालय गोरखाले जनाएको छ ।

हाल भिमसेन थापा गाउँपालिकामा ४१ जनामा, अजिरकोट गाउपालीकामा १३ जनामा, सिरानचोकमा ८ जनामा, पालुटार नगरपालिका र आरुघाट गाउपालीकामा ७/७ जनामा कोरोनाको सक्रिय संक्रमित रहेको छ ।

गोरखा नगरपालिकामा ५ जनामा, शहिदलखन गाउपालीकामा र धार्जे गाउपालिकामा एकएक जनामा कोरोनाको सक्रिय संक्रमित रहेको जिल्ला स्वास्थ्य कार्यालय गोरखाले जनाएको छ । हालसम्म ५८ जना संक्रमित निको भएको छ भने गोरखामा हाल कोरोनाको संक्रिय संक्रमतिको संख्या ८३ पुगेको छ ।