आजबाट ‘सुपर डान्सर नेपाल’ प्रसारण हुँदै

चर्चित फेन्चाइज शो ‘सुपर डान्सर नेपाल’ आज बिहीबारदेखि प्रसारण हुने भएकाे छ।

कान्तिपुर टेलिभिजनबाट यो शो हरेक बिहीबार र शुक्रबार राति ९ बजेदेखि प्रसारण हुने बताइएको छ। 

भूषण दाहालले निर्देशन गर्ने शोको निर्णायकमा अभिनेता भुवन केसी, जसिता गुरुङ र सुरेन राई रहेका छन्।

यस कार्यक्रममा कविता नेपाली र विल्सनविक्रम राई हाेस्ट रहेका छन्। 

केही समयअघि काठमाडौं, इटहरी पोखरा, हेटौंडा, बुटवल र नेपालगञ्जमा फिजिकल अडिसन भएको थियो। नेपाल बाहिर रहेका नेपाली भाषीलाई पनि समेट्ने उद्देश्यले डिजिटल अडिसन गरेको व्यवस्थापक रश्मी अग्रवालले बताइन्।