एसईई नतिजामा चित्त नबुझे निवेदन दिन पाइने (सूचनासहित)

माध्यमिक शिक्षा परीक्षा (एसईई) को नतिजामा चित्त नबुझे विद्यार्थीले पुनर्योगका लागि साउन २७ भित्र निवेदन दिन पाउने भएका छन्।

राष्ट्रिय परीक्षा बोर्डअन्तर्गत ‘परीक्षा नियन्त्रण कार्यालय कक्षा १०’ ले सूचना जारी गरी आफूले प्राप्त गरेको ग्रेडमा चित्त नबुझे पुनर्याेगका लागि परीक्षार्थीलाई तोकिएको ढाँचामा निवेदन दिन आह्वान गरेको हो। 

शिक्षक विकास तथा समन्वय एकाइ वा परीक्षा नियन्त्रण कार्यालय कक्षा १० मा सोझै निवेदन दिन सकिनेछ। 

निवेदन दस्तुर ५ सय रुपैयाँ लाग्ने कार्यालयले जनाएको छ। 

२०७८ सालको एसईईको नजिता बुधबार सार्वजनिक गरिएको थियो। 

हेर्नुहोस् पुनर्याेगसम्बन्धी सूचना–