नारायणगढ–मुग्लिन सडक खण्ड फेरि अवरूद्ध

नारायणगढ मुग्लिन सडकको घोप्टेभीरमा खसेको पहिरो सफा गरे लगत्तै नाग्दी भीरमा पहिरो खसेका कारण पृथ्वीराजमार्ग अवरूद्ध भएको छ ।

आइतबार मध्याह्न सवा १२ बजेतिर घोप्टेभिरमा पहिरो खसेको थियो ।

त्यो पहिरो सफा गरेर दिउँसो १ बजेपछि गाडी खुले लगत्तै नाग्दीमा पहिरो गएको चितवन जिल्ला ट्राफिक प्रहरी कार्यालयका प्रमुख प्रहरी निरीक्षक धर्मबहादुर अधिकारीले बताए ।

पहिरो सफा गर्न सुरू भएपनि बाटो सञ्चालन गर्न केही समय लाग्न सक्ने अधिकारीले बताए ।