तारा एयरको पोखरा–जोमसोम उडान एक साताको लागि स्थगित

तारा एयरले पोखरा–जोमसोम उडान एक साताका लागि स्थगित गरेको छ ।

तारा एयरले आजदेखि यही जेठ २७ गतेसम्मका लागि पोखरा–जोमसोम नियमित उडान स्थगित गरेको हो।

तारा एयरको भगिनी संस्था यती एयरलाइन्सका प्रवक्ता सुदर्शन बर्तौलाले विशेष कारणवश आजदेखि एक सातासम्म पोखरा–जोमसोम उडान स्थगित गरिएको जानकारी दिए।

पोखराबाट जोमसोमका लागि उडेको तारा एयरको जहाज गत आइतबार मुस्ताङको थसाङमा दुर्घटनामा परेको थियो। 

दुर्घटनामा चालकदलका सदस्यसहित विमानमा सवार सबै २२ जनाको मृत्यु भएको थियो। दुर्घटनाको छानविन गर्न सरकारले छानविन समिति गठन गरेको छ।