प्रधानमन्त्री देउवाका भाइ प्रेमबहादुरको निधन

प्रधानमन्त्री एवं नेपाली कांग्रेसका सभापति शेरबहादुर देउवाका सहोदर भाइको निधन भएको छ ।

देउवाका भाइ प्रेमबहादुरको उपचारका क्रममा निधन भएको नेपाली कांग्रेसका केन्द्रीय सदस्य राजीव विक्रम शाहले जानकारी दिए ।

क्यान्सरका बिरामी प्रेमबहादुरको काठमाडौंमा निधन भएको हो । प्रेमबहादुरले पञ्चायतकालीन समयदेखि नै निरन्तर लोकतन्त्रका लागि संघर्ष गरेका थिए ।