लगातार घट्दै सुनको भाउ, आज कतिमा हुँदैछ कारोबार? 

नेपाली बजारमा बुधबार सुन र चाँदीको भाउमा गिरावट देखिएको छ।

नेपाल सुनचाँदी व्यवसायी महासंघका अनुसार मंगलबारको तुलनामा सुनको भाउ प्रतितोला ३ सय रुपैयाँले घटेको छ।

यससँगै छापावाल सुन प्रतितोला ९९ हजार रुपैयाँमा आइपुगेको छ भने तेजावी सुन प्रतितोला ९८ हजार ५ सयमा झरेको छ। 

चाँदीको भाउ पनि प्रतितोला १० रुपैयाँले घटेको छ। चाँदी प्रतितोला १३४० रुपैयाँमा कारोबार भइरहेको छ।