लगातार घट्दै सुनको भाउ, आज कतिमा हुँदैछ कारोबार?

केही दिनयता सुन र चाँदीको भाउ ओरालो लागेको छ।

मंगलबार सुन प्रतितोला ९९ हजार तीन सय रूपैयाँमा कारोबार भइरहेको छ। सुनचाँदी व्यवसायी महासंघका अनुसार अघिल्लो सोही दिन सुन प्रतितोला एक लाख दुई हजार एक सय रूपैयाँमा कारोबार भएको थियो। 

सो मूल्यमा दिनहुँ गिरावट देखिएको हो। यो साताको पहिलो दिन सुन प्रतितोला एक लाख पाँच सय रूपैयाँमा कारोबार भएको थियो भने सोमबार सुन प्रतितोला एक लाख दुई सय रूपैयाँमा कारोबार भयो। 

अघिल्लो दिनको तुलनामा आज सुन प्रतितोला नौ सय रूपैयाँ घटेको हो। 

त्यस्तै चाँदीको मूल्य पनि अघिल्लो साताको मंगलबारको तुलनामा आज ९० रूपैयाँ घटेको छ। आज चाँदी प्रतितोला १३ सय ५० रूपैयाँमा कारोबार भइरहेको छ। 

अन्तर्राष्ट्रिय बजारमा पनि सुनको मूल्य घटेको छ। आज अन्तर्राष्ट्रिय बजारमा सुन प्रतिऔंस १९ सय ३ अमेरिकी डलरमा कारोबार भइरहेको छ।