आजदेखी मनकामना मन्दिरमा पूजा गर्न नपाइने

गोरखा। मनकामना मन्दिरमा आजदेखि पूजआजा गर्न नपाइने भएकाे छ ।

कोभिड–१९ को संक्रमण फैलन नदिन प्रसिद्ध धार्मिकस्थल मनकामना मन्दिरमा सर्वसाधारणका लागि पूजा गर्न रोक लगाइएको मन्दिरका मुख्य पुजारी इन्सान थापामगरले बताए ।

तर मन्दिरमा बिशेष पूजा भने राेकिने छैन ।

सरकारले २५ भन्दा बढीलाई एकै ठाउँमा भेला हुन रोक लगाएपछि मनकामना मन्दिरमा केही समयका लागि पूजाआजा गर्न रोक लगाइएको पूजारी थापाले जानकारी दिए ।

मनकामना मन्दिरमा दैनिक करीब ५०० भन्दा बढी भक्तजनले दर्शन गर्ने गरेका थिए ।