गोरखामा कोही नबस्ने घर अगाडिको बारीमा महिलाको शव फेला

गोरखा। गोरखा सरदमुकाममा कोही नबस्ने घर अगाडिको बारीमा एक जना महिलाको शव फेला परेको छ ।

नरेश श्रेष्ठको कोही नबस्ने घर अगाडिको बारीमा बुधबार विहान मृत अवस्थामा फुलमाया सिर्मलको लाश फेला परेको जिल्ला प्रहरी कार्यालय गोरखाले जनाएको छ ।

गोरखा नगरपालिका वडा नं ९ भिआईपी टोलमा ३५ वर्षीय सिर्मलको शव भेटिएको एसपी केदार खनालले बताए ।

स्थायी घर लक्ष्मी बजार भएको र माइती आएको बेलामा सो घटना भएको खनालले बताए ।राती दुईतीन बजे तिर उक्त घटना भएको प्रहरीले अनुमान गरेको छ ।

मृतक लाश पोष्टमार्टम कार्यका लागि जिल्ला अस्पताल गोरखामा पठाइएको छ । घटनाको थप अनुसन्धान भइरहेको प्रहरीले जनाएको छ ।