आज गण्डकी सहित यि प्रदेशमा मेघगर्जन र चट्याङसहित वर्षाको सम्भावना

हाल भारतको विहार आसपासमा रहेको न्यूनचापीय प्रणाली र स्थानीय वायुको सामान्य प्रभाव रहेको छ ।

आज देशका विभिन्न ठाउँमा मेघगर्जन र चट्याङसहित वर्षा हुने सम्भावना रहेको जल तथा मौसम पुर्वानुमान महाशाखाले जनाएको छ ।

महाशाखाका अनुसार आज प्रदेश १, मधेश प्रदेश, बागमती र गण्डकी प्रदेशका पहाडी भूभागका थोरै स्थानमा मेघगर्जनर चट्याङ्गसहित हल्का वर्षा हुने सम्भावना रहेको छ ।

महाशाखाका मौसमविद् सजिना शाक्यका अनुसार आज राति पनि प्रदेश १ का पहाडी भूभागका थोरै स्थान र गण्डकी प्रदेशका एकदुई स्थानमा मेघगर्जनर चट्याङ्गसहित हल्का वर्षाको सम्भावना छ ।