आरआरआर हेर्न गएका युवकको फिल्म हलमा मृत्यु

भारतको ओबुलेसु आन्ध्र प्रदेशको अंनतपुरस्थित एस भी म्याक्समा फिल्म हेर्न गएका एक युवकको मृत्यु भएको छ ।

मृत्यु हुनेमा ३० वर्षीय ओबुलेसु रहेको भारतीय सञ्चार माध्यमले जनाएका छन् । ‘धेरै समयसम्म उनको शरीरमा कुनै हलचल नभएपछि उनलाई अस्पताल लगियो । अस्पताल पुग्नेवित्तिकै डाक्टरले उनलाई मृत घोषित गरे ।’

उनको साथीको भनाई उद्धृत गर्दै दैनिक भास्करले लेखेको छ । शुक्रबार विश्वभरका हलहरुमा रिलीज भएको फिल्म आरआरआर हेर्न हलहरुमा दर्शकको घुइँचो लागेको छ । फिल्ममा जुनियर एनटिआर, रामचरण, आलिया भट्ट र अजय देवगनको मुख्य भूमिका रहेको छ ।