आज पनि बढ्यो सुनको मुल्य, कति पुग्यो तोलाको ?

शुक्रबार पनि सुनको मूल्यमा वृद्धि भएको छ। बिहीबारको तुलनामा सुनको मूल्य प्रतितोला ६ सय रुपैयाँ बढेको हो।

सुनचाँदी व्यवसायी महासंघका अनुसार बिहीबार छापावाला सुन प्रतितोला १ लाख ३ सय रुपैयाँ प्रतितोलामा कारोबार भएकोमा आज १ लाख ९ सय रुपैयाँ कायम भएको हो। त्यस्तै तेजावी सुन भने आज प्रतितोला १ लाख ४ सय रुपैयाँ कायम भएको छ।

चाँदीको मूल्य समेत वृद्धि भएको महासंघले जनाएको छ। बिहीबार प्रतितोला १३७५ रुपैयाँमा कारोबार भएकोमा आज १४ सय रुपैयाँ कायम भएको हो।