आन्तरिक उडानमा बढाइयो भाडादर, कहाँको कति ? (सूचीसहित)

आन्तरिक हवाई उडानको भाडा बढेको छ। नेपाल आयल निगमले हवाई इन्धनको मूल्य बढाएपछि निजी क्षेत्रका वायुसेवा कम्पनीहरूले आन्तरिक उडानको भाडादर बढाइएको हो।

आइतबार आजदेखि लागु हुनेगरी इन्धन शुल्क बढेको र भाडामा पनि वृद्धि भएको यति एअरलाइन्सका प्रवक्ता सुदर्शन बर्तौलाले जानकारी दिए । सबैभन्दा धेरै विराटनगर-नेपालगञ्ज रुटको भाडा ५४० रुपैयाँले बढेको छ । यस्तै काठमाडौ-भैरहवाको भाडा २०५ रुपैयाँ बढेको छ ।

यस्तै काठमाडौ-भद्रपुरको तीन सय, काठमाडौ-सुर्खेतको ३४५ र काठमाडौ-नेपालगञ्जको ३३० रुपैयाँ भाडा बढेको छ । नेपाल आयल निगमले गत बिहीबार पेट्रोल–डिजेल र मट्टीतेलसँगै हवाई इन्धनको पनि मूल्य वृद्धि गरेपछि निजी उडान कम्पनीहरूले भाडा बढाएका हुन्।