यस्तो छ तीन दिनको मौसम पूर्वानुमान

नेपालमा हाल पश्चिम न्यून चापीय प्रणालीको आंशिक प्रभाव छ।

मौसम पूर्वानुमान महाशाखाले आज (बुधबार) पहाडी भेगमा आंशिक बदली रही देशका बाँकी स्थानमा मौसम सामान्यतया सफा छ। 

आगामी तीन दिनको मौसम पूर्वानुमान

२०७८ फागुन ४ गते बुधबार

दिउँसो : पहाडी भेगमा आंशिकदेखि सामान्य बदली रही देशका बाँकी स्थानमा आंशिक बदलीदेखि मौसम सामान्यतया सफा रहनेछ। पहाडी भेगका एक दुई स्थानमा भने हल्का वर्षा र उच्च पहाडी तथा हिमाली क्षेत्रका थोरै स्थानमा हल्का हिमपात हुने सम्भावना छ।

राति : पहाडी भेगमा आंशिक बदली रही देशका बाँकी स्थानमा मौसम सामान्यतया सफा रहनेछ। उच्च पहाडी तथा हिमाली भेगका एक दुई स्थानमा हल्का हिमपात हुने सम्भावना रहेको महाशाखाले जनाएको छ।

२०७८ फागुन ५ गते बिहीबार

दिउँसो : प्रदेश नम्बर १ को पहाडी भेगमा आंशिकदेखि सामान्य बदली रही देशका बाँकी स्थानमा आंशिक बदलीदेखि मौसम सामान्यतया सफा रहनेछ। प्रदेश १ को पहाडी भेगका एक दुई स्थानमा छिटपुटदेखि हल्का वर्षा र सो प्रदेशको उच्च पहाडी तथा हिमाली क्षेत्रका थोरै स्थानमा हल्का हिमपात हुने सम्भावना पनि छ।

राति : देशभर आंशिक बदलीदेखि मौसम सामान्यतया सफा रहने बुलेटिनमा उल्लेख छ।

२०७८ फागुन ६ गते शुक्रबार

दिउँसो : देशभर आंशिक बदलीदेखि मौसम सामान्यतया सफा रहनेछ ।

राति : पहाडी भेगमा आंशिकदेखि सामान्य बदली रही देशका बाँकी स्थानमा मौसम सामान्यतया सफा रहनेछ। उच्च पहाडी तथा हिमाली क्षेत्रका थोरै स्थानमा हल्का हिमपात हुने सम्भावना छ।

• 

•