स्थगित परीक्षा फागुन १ देखि सञ्चालन गर्ने त्रिविको तयारी

त्रिभुवन विश्वविद्यालयले कोरोनाका कारण स्थगित गरेका विभिन्न संकायका परीक्षाहरू आगामी फागुन १ गतेदेखि सुरू गर्ने तयारी गरेको छ।

त्रिवि परीक्षा नियन्त्रण कार्यालय बल्खुले सूचना निकालेर परीक्षाको तालिका प्रकाशित गरेको हो।

• 

• 

त्रिविद्वारा सार्वजनिक सूचनाअनुसार विज्ञान तथा प्रविधि अध्ययन संस्थानतर्फ चार वर्षे वीएस्सी चौथो वर्षको नियमित तथा आंशिक परीक्षा पनि फागुन १ देखि हुनेछन्।

त्यसैगरी वार्षिक परीक्षा प्रणालीअनुसार ३ वर्षे एलएलवी तेस्रो वर्ष नियमित परीक्षा पनि फागुन १ देखि सुरू हुने परीक्षा नियन्त्रण कार्यालयले जनाएको छ।

विभिन्न संकायका परीक्षा तालिका र परीक्षा केन्द्रहरू कार्यालयले आफ्नो वेबसाइटमा राखेको छ।