पूजा शर्माको अर्को फिल्म फागुन २७ मा

महामारीका कारण रोकिएको ‘म यस्तो गीत गाउँछु २’ माघ १९ मा प्रदर्शन गर्ने घोषणा गरे लगत्तै पूजा शर्माले अर्को फिल्मको घोषणा गरेकी छिन् । एबी इन्टरनेसनलको ब्यानरमा निर्माण भएको सिनेमा ‘सम्हालिन्छ कहिले मन’ पनि अब यही साल प्रदर्शन हुने भएको छ ।

पूजा शर्मा, आकाश श्रेष्ठ र सोनम तोप्देनको मुख्य भूमिका रहेको म्युजिकल लभस्टोरी सिनेमा फागुन २७ गते ९मार्च ११० मा देशव्यापी प्रदर्शन हुने भएको छ । सिनेमाले शुक्रबार रिलिज डेटसहितको पोस्टर सार्वजनिक गरेको छ ।

अघिल्लोपटक कोरोभाइरस संक्रमण रोकथामका लागि लागू गरिएको लकडाउनले दुईपटक सिनेमाको प्रदर्शन मिति पोस्टपोन्ड भैसकेको छ । ुसम्हालिन्छ कहिले मनुको जारी पोस्टरमा तीन मुख्य पात्रलाई रोमान्टिक मुडमा देख्न सकिन्छ ।

कभर गायक सोनम तोप्देनले यही सिनेमाबाट अभिनयमा डेव्यु गर्दैछन् । उनी बलिउडका चर्चित गीतमा कभर संस्करणमा रुचाइएका गायक हुन् । रोमान्टिक जनरमा सिनेमा बनाउन खप्पिस निर्देशक सुदर्शन थापाले सिनेमाको निर्देशन गरेका हुन् ।

सिनेमाका निर्माता अमित बस्नेत, परी राना र अजितकुमार थापा हुन् । बेलायत र नेपालमा छायांकन गरिएको म्युजिकल लभस्टोरी सिनेमालाई दर्शकले मन पराउने विश्वास निर्माता अजित कुमार थापाले लिएका छन् ।