ह्वात्तै बढ्यो सुनको भाउ, कति छ आजकाे मुल्य ?

सोमबार नेपाली बजारमा सुनको भाउमा उछाल देखिएको छ।

तिहारपछि पहिलोपटक बजार खुलेको दिन सोमबार सुनको भाउ गत बिहीबारको तुलनामा प्रतितोला १५ सय रुपैयाँले बढेको हो।

नेपाल सुनचाँदी व्यवसायी महासंघका अनुसार सोमबार छापावाल सुनको भाउ प्रतितोला ९२ हजार ५०० पुगेको छ भने तेजावी सुनको भाउ प्रतितोला ९२ हजार पुगेको छ। 

त्यस्तै चाँदीको भाउ पनि प्रतितोला २५ रुपैयाँले बढेर १२५० पुगेको छ।