बसुलो प्रहार गरेर श्रीमतीको हत्या, श्रीमान पक्राउ

श्रीमती हत्‍या गरेको आरोपमा प्रहरीले एक जनालाई पक्राउ गरेको छ।

४२ वर्षीया श्रीमती कली खड्काको हत्‍या आरोपमा कुमाख गाउँपालिका—५ तिमिले बस्ने ४७ वर्षीय कबिराम खड्का पक्राउ परेका छन् ।

जिल्ला प्रहरी कार्यालय सल्यान र ईलाका प्रहरी कार्यालय राँगेचौरबाट खटिएको प्रहरीले उनलाई मंगलबार राति प्रहरीले पक्राउ गरेको हो ।

घरायसी विवादको कारण मादक पदार्थ सेवन गरी कबिरामले आफ्नै श्रीमतीलाई धारिलो हतियार (बसुलो) प्रहार गर्दा उनको घटनास्थलमै मृत्यु भएको प्रहरीले जनाएको छ ।

पक्राउ परेका उनीमाथि थप अनुसन्धान प्रहरीले जनाएको छ ।