आइतबार ६७९ संक्रमित थपिदाँ, एक हजार ४०५ जना निको भए

काठमाडौं । पछिल्लो २४ घण्टामा ६ सय ७९ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ७ हजार ७० पीसीआर परीक्षणमा ५ सय ७४ र ३ हजार ८ सय ५० एन्टिजेन परीक्षणमा १०५ जना गरी ६ सय ७९ जनामा संक्रमण पुष्टि भएको हो ।

पछिल्लो २४ घण्टामा एक हजार ४०५ जना संक्रमणमुक्त भएका छन् भने कोरोना संक्रमणका कारण ७ जनाको मृत्यु भएको छ ।

हाल देशभर सक्रिय संक्रमितको संख्या १६ हजार ८०४ रहेको छ । जसमध्ये १५ हजार ५ सय ३४ जना होम आइसोलेसनमा र एक हजार २७० जना संस्थागत आइसोलेसनमा छन् ।